Cronfa Pensiwn - Beth yw gwerth fy nghronfa pensiwn?
Os ydych yn ansicr faint sydd gennych yn eich cronfa bensiwn gyfan, neu faint o gronfeydd rydych wedi talu i mewn iddynt, mae yna ffyrdd gwahanol i gael gwybod.
Gallwch:
- edrych ar eich datganiad pensiwn – dylai eich darparwr anfon hwn i chi unwaith y flwyddyn
- ar-lein - mae llawer o ddarparwyr yn gadael i chi olrhain eich pensiwn ar eu gwefan
- edrych ar eich pecyn ‘deffro’ - byddwch yn cael hwn gan eich darparwr pensiwn rhwng 4 a 6 mis cyn eich oedran pensiwn cytunedig (’oedran ymddeol a ddewiswyd’) sydd fel arfer rhwng 60 a 65 oed
- cysylltu â’ch darparwr(darparwyr) pensiwn
Os ydych yn llai na 4 mis i ffwrdd o’ch oedran pensiwn cytunedig a heb dderbyn pecyn deffro eto, dylech gysylltu â’ch darparwr pensiwn.
Edrych pa bensiynau rydych wedi talu i mewn iddynt
Efallai eich bod wedi talu i mewn i fwy nag un gronfa bensiwn. Bydd angen i chi gysylltu â phob darparwr ar wahân i gael gwybod faint sydd ym mhob un.
Os nad ydych yn gallu cofio pa bensiynau rydych wedi talu i mewn iddynt gallwch ddod o hyd i bensiwn coll.
Cyfuno eich cronfeydd pensiwn
Os oes gennych fwy nag un gronfa bensiwn, gallech gyfuno eich cronfeydd i helpu i’w gwneud yn haws i’w rheoli. Gellir codi ffioedd arnoch, felly efallai y byddwch am gael cyngor ariannol cyn gwneud hyn.